Os decibelios da polémica

Factores e solucións do exceso de ruído na sociedade actual

O ruído debe ser considerado polo tanto como un factor contaminante, debido ós efectos que pode causar sobre as persoas. Entre os máis comúns destacaremos a perturbación do sono, problemas no aparello auditivo, molestias na vida cotiá e alteracións psicolóxicas.

Por outra banda defini-lo ruído non é doado, calqueira ruído podería resultar molesto dependendo do receptor, pensemos no ruído que fai unha mosca, un coche de carreiras ou ben o son nunha discoteca. A Administración define o ruído coma un son excesivo ou intempestivo que pode producir efectos fisiolóxicos e psicolóxicos non desexados sobre unha persoa ou grupo.

O son é unha sensación, percibida polo nervio acústico. A súa intensidade depende da cantidade de enerxía transportada respecto do tempo e da superficie. En honor a Grahan Bell, famoso inventor do teléfono, a unidade de medida e o Belio, sendo o nivel máis baixo de dB 0, e por riba de 120 dB a sensación xa é de dor.

AS FONTES DO RÚIDO As fontes de carácter natural non constitúen ata agora un problema mediambiental. Son o resultado de fenómenos ben coñecidos, e só cando son de alta intensidade son problemáticos, nembargante os efectos son de pouco tempo, deixando así de representar un risco.

Nos derradeiros anos a cantidade de ruído multiplicouse por dous nos paises industrializados, debido sobre todo o aumento demográfico, e todo o que leva consigo. Maior actividade industrial, tráfico,etc. As causas antrópicas están experimentando un incremento constante, falamos así dun problema mediambiental.

Segundo a O.M.S. as principais fontes de ruído son:

• Tráfico: É dende logo a máis importante debido a súa extensión espacial e polo seu incremento incesante de vehículos automóveis. O roce contra a estrada, a velocidade, o tamaño da rúa, e a presencia de edificios son algún dos factores que modifican o nivel de son. O resto das modalidades de tráfico, como son o ferroviario e aéreo pese a ter niveis máis intensos, están moi localizados, afectando así a continxentes menos numerosos.
• Industria: O seu nivel sonoro depende da maquinaría empregada, indo en relación directa á potencia das mesmas. A tendencia xeral e crear illas industriais ailladas, situadas en lugares axeitados para minimiza-lo problema.
• Construcción: As obras son causa de numerosos ruídos, debido sobre todo a maquinaria empregada e o continuo movemento de materiais pesados.
• Actividade doméstica: Tamén é unha fonte xeradora de ruídos, radio, Tv, operacións de limpeza producen ruídos de dificil control.
• Ocio: As aglomeracións de xente a determinadas horas en cafeterias , discotecas, pubs, acompañadas dun alto volume na música está a ser unha actividade especialmente polémica. En Lugo, a adopción de medidas especiais por parte do Concello para tratar de armonizar a diversión duns e o descanso de outros, está a xerar polémica.

SOLUCIÓNS

Frente a contaminación acustica unha primeira solución consiste en aillarse da mesma, máis resulta imposible cando se aplica a zonas exteriorescomo pode se-la rúa. Así as políticas de xestión mediambiental deben de considera-la contaminación sonora actuando de modo correctivo e preventivo.

As medidas correctivas baséanse en limitacións respecto da fonte emisora, ben mediante regulamentos elaborados polas administracións públicas, e en accións directas sobre as fontes productoras. Estas medidas sopoñen de modo xeral elevadas inversións e non sempre é posible acada-los valores finais previstos.

As medidas preventivas nembargante,como é a planificación urbanística co fin de crear illas sonoras,os estudios de impacto ambiental e a educación e información ambiental son os máis eficaces e rentables, tanto dende unha mira económica como social.

Más noticias de este mes | Último mes | Índice general de noticias
Página principal de las asociaciones contra el ruido